فن الدعوه و التعارف : " الدرس الاول " The Art Of Inviting & Prospecting

. اليوم هتكلم عن اول نقطه في الترويج و التسويق للموقع.
و هو اول درس من 10دروس نصل بها معا الي الاحتراف في الترويج باذن الله.
هتكلم في المنشور ده عن التعارف ( التنقيب Prospecting ).
و المنشور اللي بعده بيكون عن الدعوه Inviting


نبدأ Prospecting :- اصل الكلمه هي التنقيب . جاء ت من التنقيب عن الذهب.
لأن لما بنبحث عن شركاء محتملين جدد . ناس نتعرف عليهم عشان نكلمهم عن الموقع.
ده يعتبر في حد ذاته تنقيب عن ذهب.
حسن اختيار شركاء محتملين من اجل تكوين فريق قوي.
التعرف علي اشخاص هو موجود في طبيعتنا البشريه (وَجَعَلْنَاكُمْ شُعُوبًا وَقَبَائِلَ لِتَعَارَفُوا)
في المجال ده بنتعامل مع ناس كل يوم.
كل يوم بنكلم اشخاص علي الانترنت . في التليفون . بنقابل ناس.
بنتعرف علي ناس طول الوقت سواء احنا في المواصلات . المترو . الشارع . الشغل .
كل اللي بنحتاجه في النقطه دي ( الاسم - رقم الهاتف ).
مش بنتكلم عن شغل . مش بنشرح خطه عمل . مش بنقول اي حاجه.
مجرد تعارف و معرفه الاسم و الرقم و اعطاء انطباع جيد عن نفسك للشخص.
من 3 سنين من بدايه عملي في التسويق . لازم اتعرف علي شخصين يوميا.
عشان كده نبدا مع بعض من انهارده بأذن الله نتعرف علي شخصين جدد يوميا.
هنجيبهم منين ؟!
ندخل جروبات الربح علي الفيس بوك نتعرف علي اشخاص مهتمين بالربح من الانترنت.
نكلم الناس الموجوده عندنا علي الفيس بوك و منعرفش عنهم حاجه ناخد ارقاهم تليفوناتهم
و احنا في الشارع في الطريق للشغل نتعرف علي الشخص اللي جمبنا في المواصلات.
العاملون معانا في الوظيفه نبدأ نكلمهم.
اصدقاء الدراسه و الجامعات و المدراس . افضل مكان للتعرف علي ناس جدد.
شباب عندهم دافع عشان يبتدوا يشتغلوا و يستثمروا و لسه في بدايه حياتهم.
في السوبر ماركت . في المول . في السينيمات . اعياد الميلاد . الافراح.
احنا وصلنا 6.9 مليار بني ادم علي الارض . اتعرف منهم علي شخصين بس يوميا.

بكده نكون انتهينا من الموضوع ده - زي ما اتفقنا . نتعرف علي شخصين يوميا.
هنكمل في المنشور القادم بأذن الله نتكلم عن الدعوه . للوصول للأحتراف في التسويق.
بالتوفيق لكم و لنا - الله معكم 


المقال من كتابة الاخ  Yousef Sayed